2081-01-12
2081-01-12
तस्बिर : मिति २०८१ साल बैशाख ११ गते प्रमुख जिल्ला अधिकारी श्री तुलसी बहादुर श्रेष्ठज्यूको अध्यक्षतामा जिल्लास्थित सुरक्षा निकायका प्रमुख ललितपुर महानगरपालिकाका प्रतिनिधि, गुठी संस्थान, स्थानीयस्तरका विभिन्न संस्था/समाजका प्रमुख तथा नागरिक अगुवाहरुको समेत सहभागिताम
मिति २०८१ साल बैशाख ११ गते प्रमुख जिल्ला अधिकारी श्री तुलसी बहादुर श्रेष्ठज्यूको अध्यक्षतामा जिल्लास्थित सुरक्षा निकायका प्रमुख ललितपुर महानगरपालिकाका प्रतिनिधि, गुठी संस्थान, स्थानीयस्तरका विभिन्न संस्था/समाजका प्रमुख तथा नागरिक अगुवाहरुको समेत सहभागितामा श्री रातो मच्छिन्द्रनाथ तथा मीननाथको रथयात्रालाई सभ्य, भब्य, सुरक्षित र व्यवस्थित बनाउनको लागि छलफल गरिएको छ । उक्त छलफलले सरोकारवाला निकायहरुसँग आवश्यक समन्वय गर्न र रथयात्राको कार्यक्रम, रुट, साईत र समय निर्धारण गरी कार्ययोजना तय गर्न गुठी संस्थानलाई निर्देशन दिएको छ । साथै, सुरक्षा निकायहरुले रथयात्रामा सहजीकरण र सुरक्षाको प्रबन्ध गर्नु पर्ने तथा ललितपुर महानगरपालिकाले रथयात्रा शुरुहुनु अगावै २०८१ वैशाख २२ गतेभित्र रथयात्रा हुने रुटमा बिग्रे/भत्तिएका सडक/गल्लीको निर्माण/मर्मत/सम्भार सम्बन्धी कार्य गरि सक्नुपर्ने निर्णय गरेको छ । रथयात्राका लागि जिम्मेवार निकायहरुको जिम्मेवारी तोकिएको छ । छलफलमा रथयात्रा अवधिभर सर्वसाधारण सबैले सहयोगी भूमिका निर्वाह गर्नुपर्ने भनिएको छ । यसका साथै रथयात्रा सम्पन्न भएको २ हप्ताभित्र सरोकारवाला सबैको उपस्थिति हुने गरी गुठी संस्थानले समिक्षा वैठक राख्नु पर्ने निर्णय छलफलले गरेको छ ।
.jpg)
.jpg)